Feldlager in Mönchengladbach
dé Offesere resepsie!
Vandaag höbbe veer tradiesioneel ós eerste treffe in ’t nuuje jaor, dé Offesere resepsie. Zo wie altied kieke veer truuk nao waem en waat ós to hie gebrach haet, es ouc nao waat veer zeker kinne verwachte in ’t nuuje sezoen. Dit jaor höbbe veer Paul Reyners, Marianne van Etten en Patra Linnartz in ’t zönneke moge zette, vanweage häör jaore van troewe en kordate deens binne de Garde. Chef Rob haet ós verzeurgd mit ‘de Gardebol’, dae zo eine baom ligkt det veer 11 waeke veurroet kinne. Marnix en Bart höbbe de sjeldaote en flemmetette van genôg versjnaperinge veurzeen. Oftewaal veer zeen d’r klaor veur!
Promo de11vande11de
Aafgeloupe vriedaag, 28 oktober is de promo veur de äöpening van ‘t Vastelaovessezoen in Remunj opgenaome. Same mit Katja en Ruud haet de Prinselikke Stadts-Garde Faubourg St Jacques dit moge verzorge. ’t Woor weer sjoon om eder dan gedach, sjtrak in ‘t pak, acte de présence te gaeve. Laot uch verrasse mit ein leuk promo filmpke en geneet van de sjoone zang. En op de elfde van de elfde sjtuut de Garde, aajerwets in op ‘t sjoonste plein van Limburg; ‘t Munsterplein. Amice veer zeen ós