Ein sjtil plein mit elf vastelaoveswinse

Leef Vastelaovesvierders,

Vandaag, de Elfde van de Elfde, veur ’t eers in de gesjiedenis van de Prinselikke Stadts-Garde Faubourg St. Jacques, gein elf sjeut, gein elf knalle, gein boze geiste verdrieve….

De maotregele die getroffe zeen om de versjpreiding van ’t coronavirus te beteugelen, treffe ouch dit evenement. Waor ’t d’r eers noch nao oetzoog det veer binne de regels, waal noch haje kinne insjete, mótte veer dit jaor, mit pien in ós vastelaoveshert, euversjlaon; sjpietig.

Maar helemaol nieks doon, is ouch nieks. Same mit angere miense die de vastelaovend ein werm hert toedrage, höbbe veer elf virtuele boodsjappe mit kenonsjeut veur Uch opgenaome, zodet deze daag, dit moment, dit evenement neet gans verlaore geit dit jaor.

Veer gaon allemaol ervare waat dit seizoen ós waal geit bringe, en laote veer van det, waovan veer waal kinne geneete, dubbel en dwars geneete…

Ted van Etten
Kommandant

Copyright © 2020 Prinselikke Stadts-Garde Faubourg St. Jacques | Alle rechten voorbehouden