Moulin Rouge

Moulin Rouge

Biej ós gebaortehoes (Faubourg St. Jacques) begónne mit ein hepke en drenkske. Daonao
gezamelik mit de Garde van Gladbach nao Kefee Braam. Dao begos ós groots sjpektakel mit versjillende artieste: Abba 11.0, Nappie oet France, dé Sjtadtstuinkebouter, SulTana, Edith Piaf, EREK, Mit ‘Luff’, De Dames van ‘De Rattekas’, Waem Angers, Die Petra & der Ted

klik hie veur foto's

Feldlager Gladbach

Feldlager Gladbach

Veer sjrieve 2 fibberwarie, de daag wo op veer op Feld-lager gaon in Gladbach. Mit genóg fourage trekke veer de päöl euver om ós dao te verzamele mit ós vrunj. Same de vreundsjap te ongersjtrepe die veer al jaore mit mekaar deile. ’t Optraeje van de Garde oet Erkelenz woor ein van de hoogtepunte. Waat eine sjoone dansgroep.

klik hie veur foto's

Euregionaal Gardetreffen in Munster-Gelaen

Euregionaal Gardetreffen in Munster-Gelaen

Op zondaag de 28ste jannewarie zeen veer es Garde boete ós sjtadsgrense nao Munster-Gelaen getrokke om dao om 14 anger Gardes oet Limburg, Gelderland, Belgsj en Pruuses van mekaar te lere. Ein sjtudiereis dus! Veer höbbe genaote van de väöle sjoon optraejes en van ’t geweldige waer.
Organisasie, ’t woor sjoon; merci.

klik hie veur foto's

  • Vastelaovend
  • Resepsie Sjtadsprins Joep I

    Op zaoterdaag 27 jannewarie höbbe veer de Sjtadprins Joep 1, van sjtadsvastelaovesvereniging D’n Uul gedekoreerd mit de Grote Gardist. Ein trediesie die veer binne de Garde gaer blieve veurtzitte. Daonao zeen veer (veural) veur de gezelligheid noch aeve gebleve, neet te lang want de sjpegeltent mósse good oppasse, dao waerse namelik döks mit dichzelf gekonfronteerd. en det zo kort veur dees daag. Ich gaef ’t uch te doon.

  • Offesere Resepsie

    Om te beginne wins ich ederein ein gelökkig 2024 mit de allerbèste winse in ein gooj gezondheid.
    De Garde sjtart ’t nuuje sezoen mit ein tredisie, häör Offesere resepsie. Dit is eine middaag wo veer es kómplete Garde samekómme in ós Wachlokaal.
    Dese middaag beginne veer door mekaar te fillesetere mit alles waat good is en winse veer mekaar ein sjoon sezoen. Danao volge d’r protokelaire aktiviteite, zo wirt de Kommandant door de offesere aangekleidj, waere de nuuj aspirant-leje veurzeen van de Kommandante-plaat, waere de juubelarese gedekoreerd, sjpesjale miense in ein biezónger zunke gezat, is d’r genóg sjaele zeiver (ouch det is protokol), wirt ’t veurluipig wanjelpregram besjpraoke, nuuje zäödjes geplant en truukgekeke op ’t veurige sezoen.
    Rond 11 op veer, kump de “Nuje” van Stadts Vastelaoves Vereniging D’n Uul, zich veursjtelle. Hae kump dan veur de eerste keer in zien sezoen, in ’t Uulenès. Geer laest det good, de “Nuje” wirt welkom geheite in zien eige hoes door de Prinselikke Stadts-Garde Faubourg St. Jacques. Zo geit det in ’t sjoone sjpel det Vastelaovend hit.
    Tiedes ’t sezoen haaje veer es Garde oze “Moulin Rouge”. Ouch dit jaor is det bie Kefee Braam, oppe Beugelbaan. De kaarten kint Geer kriege via ós leje of door ein mailtje te sjture nao info@stadtsgarde-roermond.nl
    De daag, 4 fibberwarie, kint Geer waal alvas notere in de agenda.

  • Boulevard du Garde

    De Prinselikke Stadts-Garde Faubourg St. Jacques haet es kultuurvereniging ein houp tradities hoog te haaje. En dit is d’r ein in lètterlilke en feguurlikke zin. Naodet de sjeut gevuurd zeen en veer de sjleutel weer truuk höbbe en veilig op ein geheim plek opgeborge höbbe, kumpt oze eige boulevard weer toet laeve. De feestelikke äöpening van ‘Boulevard du Garde’ is vandaag veur de 8ste keer verrich. Missjien, en det is zeker net zo belangriek es ’t drage van al die zjwaore tradities, is ’t gezellig same zeen van alle sjeldaote, flemmettette en kienjer; Santé 💙🤍❤️

  • Sjleutel-euverdrach

    Nao ’t aafsjete van de 11 sjeut, is d’r ein tweede belangrieke traditie; De sjleutel-euverdrach. Vanaaf de Elfde van de Elfde toet aan ’t Bacchusdrieve haet de Prinselikke Stadts-Garde Faubourg St. Jacques de sjleutel van Remunj in häör bezit. Veer zeen dan belast mit ’t gegaeve det veer toezeen det de Vastelaovend in gooj harmoniej verlöpt. Dit jaor, door de wisselinge van de wach, kriege veer de sjleutel veur de eerste keer oet henj van Yolanda Hoogtanders, oze nuuje Burgemeister 💙🤍❤️

  • Insjete Vastelaovend Remunj

    Daag leef vastelaoves-vierders van Remunj, van Limburg en euveral,
    Sjuus höbbe veer aan ós traditionele, maar daoróm neet minder belangrieke plich, mit groots eerbesef voldaon en zeen de 11 sjeut aafgevuurd op ’t sjoonste plein van Remunj. Daomit haupe veer es Garde, det alle kwaoj geiste zo hel gesjrókke zeen, det veer weer kinne gaon genete van ein kort maar neet minder sjoon Vastelaovessezoen, oftewaal, ’t Vastelaovessezoen is hiejbiej geäöpend.
    De Prinselikke Stadts-Garde Faubourg St. Jacques winst Uch ein zalig nuuj Vastelaoves jaor 💙🤍❤️

  • Äopening Vastelaovessezoen Remunj
    https://youtu.be/guL09NujPGo?si=ODJdBkOHmI6djJh5